مسابقة التماسيح والسحالى

انا اترددت كتير قبل ما اطرح التوبيك

لإني كنت ناوي اعملها لعبة عادية جدا بس حسيت انها لو بقت مسابقة هيبقى فيه اقبال اكتر

المسابقة كالآتي :

اولا : احنا عاوزين عشر اعضاء

ثانيا : العشر أعضاء هيكونوا 3 تماسيح و3 سحالي

ثالثا : ال3 وال3 مش هيدخلوا كده يقولوا احنا عاوزين نشترك انما هتكون بترشيح من التماسيح والسحالي

المسابقة هتكون انتوا اللي تعملوها مش انا

يعني طبعا 3 سحالي فريق و3 التنايين من التماسيح فريق مع بعضه

دوري انا بقى في المسابقة اني انا هختار كل بنت من السحالي مع واحد قصادها من التاسيح

ماشي يعني هعمل بنت وولد وبنت وولد كل بنت وولد مع بعضهم انا اللي هختار مين يكون مع مين

وكل بنت هتسأل الولد اللي معاها 3 أسئلة بالظبط في جميع المجالات اي مجال هي عاوزاه بس 3 اسئلة

حتى ولو كانت الأسئلة دي فوازير بس ليها في ال3 اسئلة فزورة واحدة يعني سؤالين وفزورة وممكن

لو هي عاوزه تعملها 3 اسئلة ماشي انما مينفعشي 3 فوازير وهي وشطارتها بقى تجيب 3 اسئلة

من نار ماشي ده دور البنت خلي بالكم البنت اللي هتسأل تسأل الولد اللي انا هقولها ده خصمك

متسألشي حد غيره ماشي ده دور البنت انما الولد بقى زيها بالظبط

نظام الفوز والخسارة بقى طبعا المفروض تكونوا عرفتوه لو الولد معرفشي يجاوب مثلا الا سؤال ولما جه

يسأل هوه البنت جاوبت على سؤالين يبقى هي الفائزة وهنخلينا على الطريقة لحد اما ال3 بنات

وال3 صبيان يخلصوا اسئلة واجابات لبعضهم ونشوف كام بنت فازت وكام بنت خسرت ولو

عدد البنات كان اكتر في الفائزات يبقى السحالي فازت

ولو عدد الصبيان كان اكتر في الفائزين يبقى التماسيح هي اللي فايزة

ماشي نبدأ يلا بقى

انا عاوز اللي يدخل يرد يرشح لو كانت بنت ترشح بنت تانية لحد اما نشوف كام بنت اترشحت وناخد

3بس ونفس النظام في الأولاد

ماشي نبدأ

بس خلوا بالكوا الأسئلة اللي عاوز يكسب طبعا هيجيب اسئلة صعبة بس المهم تكون هي او هو

عارف او عارفة اجابتها

بس ملاحظة بقى في الإجابة :

لما البنت تسأل ال3 اسئلة او الولد يسأل ال3 اسئلة مهلة الإجابة هي ساعتين بس دا لو كان العضوين

الخصمين موجودين في المنتدى لو مش موجودين في المنتدى يبقى نستنى لحد اما يدخلوا واول ما يدخلوا

الساعتين يبدأوا في العد التنازلي ماشي

نبدأ

اظن كل حاجة واضحة


انا ايدي وجعتني من كتر الكتابــــه