نصيحه ليكى تخلى اللى يتصل يعاكس ميكررهاش تانى

هقولك حاجة تخلى اللى يتصل بيكى عشان يعاكس ..ميكررهاش تانى !
السلام عليكم ورحمة الله وبركاته ....اولا

بما إنكم غاليين عليا حبيت أقولكم على الحركة البسيطة دى

عشان تعملوها مع أى حد يتصل بيكوا بغرض المعاكسة ....ومش هيتصل بيكى تانى وعلى ضمانتى

إعملى طرشه ..أيوه زى ما سمعتى ههههههه....إعملى نفسك سمعك تقييييييييل

لان أى حد بيتصل يعاكس بيبقى فاضى وعاوز يتسلى وساعات فى ناس بتقول كلام جارح جدا ويخدش الحياء وبيتلززوا بكده واللى بيتصل بيها ....يا إما تشتموا وفى ناس بيحبوا يتهزقوا وطبيعى ان اللى بيعاكس مش هيفرق معاه قوى انك تشتميه لان مفيش دم ولا إحساس اصلا

ويا إما اللى بيتصل بيها تستجيب له وتجاريه فى الكلام وتبقى فرصة واتلم المتعوس على خايب الرجى ههههه

لكن لو لقى اللى بيتصل بيها بتتكلم رسمى و بتقوله ...انا اسفة يا فندم الصوت بعيد قوى ومش سمعه حضرتك كويس ...انا مضطرة اقفل

او كل ما يقول كلمة تقوله إيه ...نعم ...الصوت واطى قوى ....على صوتك ....خلاص انا هقفل ولما جوزى "بابا أو أخويا" ييجى هخليه يتصل بيك على النمرة اللى ظهرت عندى وتقفل السكة
و لو إتصل تانى تعملى نفس السيناريو ...و طبعا هيتخنق منك و عمره ما هيكمل مع واحدة مابتسمعش....

عاوزة أعرف رأيكم !!
ولو واحده عندها فكرة تانية ....كله بثوابه يا ريت تقوليها وتفيدى إخواتك القطط المغمضين إللى بيحتاسوا فى المواقف دى وبيبقوا صيده

» اعذرونى انا ماشيه ومش راجعه تانى مسافره
» *ادخل وقدم ورده للعضو الي يستاهل*
» لكل اللى هتتخطب خشى اختارى دبله الخطوبه