وحشتيــــــــــــــــــــــــــني...

وحشتيني

وحشتيني..
وبُعدي عن عنيكي السودْ..
على عيني .

وحشتيني ..
وشوقي كل يوم بيزيدْ ..
لأحلى خدودْ..
تزينها نجومْ وورودْ..
وصوتكْ لو يصحيني.

وحشتيني.
وحشني الهمس في همسكْ .
ونبض الحب في حِسِّكْ .
وغيرتي لو نسيم الصبحْ ...
يا عمري...
في يوم مسِّكْ.

أنا بكره اللي جاي ليكِي
أنا يومكْ .
أنا أَمسكْ .
وبعدي عن دفا قلبك بيكويني

وحشتيني
بجد بقول وحشتيني
وإيش يرضيكي يرضيني .
وتفديكِي عيون القلبْ ..
تفديكِي شراييني
وعين ما شافتشْ غير حسنكْ .
بتشهد لكْ ..
وكل الكون بيشهد لكْ ...
بإنكْ شمس في جبيني .

وحشتيني

ولما في يوم أعود ليكِي
وأحط اديا في إديكِي
وابدأ خطوتي بيكِي ..
وأضمك ضمة المشتاقْ ..
تضميني.
وترويني .
ومين غيرك هيرويني
ومين غيرك هيسقيني
وأنا العطشان و طال بعدي
و قلبك أغلى شيء عندي
يا ست الحسن يا حبي

وحشتيني

اشكرك على الكلمات الرائعه والاحساسا الجميل
وحمدالله على سلامتك بعد غيابك

كلمااات جميله اخي

بجد روعه مثلك

دمت بكل الخيـــــــر

وتقبل مروري